ਲਖਵੀਰ ਸਿੰਘ ਬੁੱਟਰ / 21 ਦਸੰਬਰ / ਪਿੰਡ ਆਸਾ ਬੁੱਟਰ ਦੇ ਨਰਸਰੀ ਵਾਲੇ ਪੁਲ ਜਿਸ ਤੋਂ ਸੂਰੇਵਾਲਾ ਅਤੇ ਗੁੜੀ ਸੰਗਰ ਨੂੰ ਸੜਕ ਨਿਕਲਦੀ ਹੈ ਇਸ ਪੁਲ ਤੇ ਨਵਾ ਪੁਲ ਬਣਨ ਕਾਰਨ ਠੇਕੇਦਾਰ ਵੱਲੋਂ ਨਵੀਂ ਸੜਕ ਦਾ ਟੋਟਾ ਬਣਾਇਆ ਗਿਆ ਸੀ ਪਰ ਇਹਨਾ ਸੜਕ ਦੇ ਠੇਕੇਦਾਰਾਂ ਦੀ ਮਨਮਾਨੀ ਕਾਰਨ ਇਹਨਾ ਦੀ ਕੋਈ ਪੁਸ਼ ਪੜਤਾਲ ਨਾਂ ਹੋਣ ਕਾਰਨ ਇਹ ਸੜਕ ਦਾ ਟੋਟਾ ਬਣਨ
ਤੋਂ ਇਕ ਹਫਤੇ ਅੰਦਰ ਹੀ ਟੁੱਟ ਗਿਆ ਹੈ । ਪੁਲ ਤੇ ਸਿਰਫ ਬੱਜਰੀ ਹੀ ਦਿਖਾਈ ਦੇ ਰਹੀ ਹੈ । ਜਿਸ ਦੀ ਵਜਾ ਨਾਲ ਪਿਸ਼੍ਲੇ ਦੋ ਦਿਨਾ ਵਿੱਚ ਦੋ ਦੁਰਘਟਨਾਵਾ ਹੋ ਚੁੱਕੀਆਂ ਹਨ । ਪਿੰਡ ਵਾਸੀਆਂ ਅਤੇ ਭਾਰਤੀ ਕਿਸਾਨ ਯੂਨੀਅਨ ਤੇ ਸਹਾਰਾ ਜਨ ਸੇਵਾ ਸੁਸਾਇਟੀ ਦੇ ਮੈਂਬਰਾਂ ਨੇ ਅੱਜ ਪੁਲ ਉੱਪਰ ਸਾਰੀ ਬੱਜਰੀ ਇਕਠੀ ਕਰ ਕੇ ਪਾਸੇ ਸੁੱਟ ਦਿੱਤੀ ਤੇ ਸਰਕਾਰ ਤੋਂ ਮੰਗ ਕੀਤੀ ਕਿ ਠੇਕੇਦਾਰਾ ਵੱਲੋਂ ਕੀਤੀ ਜਾ ਰਹੀ ਮਨਮਾਨੀ ਦੀ ਜਾਂਚ ਕਰਵਾਈ ਜਾਵੇ ਅਤੇ ਘਟੀਆ ਮਟੀਰਿਯਲ ਪਾ ਕੇ ਸੜਕਾਂ ਦਾ ਕੰਮ ਕਰਨ ਵਾਲੇ ਠੇਕੇਦਾਰਾਂ ਤੇ ਕੜੀ ਕਾਰਵਾਈ ਕੀਤੀ ਜਾਵੇ । ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਦੇ ਇਕਾਈ ਦੇ ਪ੍ਰਧਾਨ ਗੁਰਲਾਲ ਬਰਾੜ , ਸੁਖਚੈਨ ਸਿੰਘ ,ਜੀਤ ਸਿੰਘ , ਜਗਸੀਰ ਸਿੰਘ , ਜਗਦੇਵ ਸਿੰਘ , ਸਹਾਰਾ ਜਾਨ ਸੇਵਾ ਸੁਸਾਇਟੀ ਦੇ ਪਰਧਾਨ ਲਖਵੀਰ ਸਿੰਘ ਤੇ ਹੋਰ ਪਿੰਡ ਵਾਸੀ ਮਜੂਦ ਸਨ ।