ਆਸਾ ਬੁੱਟਰ /25 ਅਪ੍ਰੈਲ /ਲਖਵੀਰ ਸਿੰਘ : 24 ਅਪ੍ਰੈਲ ਵਾਲੇ ਦਿਨ ਓਸ ਵੇਲੇ ਆਸਾ ਬੁੱਟਰ ਚ ਅਫਸੋਸ ਦੀ ਲਹਿਰ ਦੌੜ ਗਈ ਜਦੋਂ ਇੱਕੋ ਦਿਨ ਹੀ ਆਸਾ ਬੁੱਟਰ ਦੋ ਮੌਤਾਂ ਹੋ ਗਈਆਂ | ਪਹਿਲਾਂ ਸ਼ਾਮ 5 ਵਜੇ ਸ੍ਰ ਨੱਥਾ ਸਿੰਘ ਪੁੱਤਰ ਹਾਕਮ ਸਿੰਘ (ਖੋਖਰ ਵਾਲੀ ਸੜਕ ਤੇ ਪਿੰਡ ਤੋਂ ਬਾਹਰ ਖੇਤਾਂ ਵਿਚ ਘਰ ) ਦੀ ਮੌਤ ਹੋ ਗਈ ਜੋ ਕਿ ਪਿਸ਼੍ਲੇ ਕਰੀਬ ਤਿੰਨ ਸਾਲ ਤੋਂ ਕੈੰਸਰ ਦੀ ਬਿਮਾਰੀ ਨਾਲ ਪੀੜਤ ਸਨ | ਅਤੇ ਬਹੁਤ ਦੂਰ ਦੂਰ ਤੱਕ ਉਹਨਾ ਦਾ ਇਲਾਜ ਵੀ ਪਰਿਵਾਰ ਵਾਲਿਆਂ ਵਲੋਂ ਕਰਵਾਇਆ ਜਾ ਰਿਹਾ ਸੀ | ਬਾਅਦ ਵਿਚ ਦੇਰ ਰਾਤ ਅਮਰੀਕ ਸਿੰਘ ਪੁੱਤਰ ਥਾਣਾ ਸਿੰਘ ( ਹਰੀਜਨ) ਦੀ ਧਰਮਪਤਨੀ ਜੈਲ ਕੌਰ ਦੀ ਮੌਤ ਵੀ ਹੋ ਗਈ | ਉਹ ਵੀ ਪਿਸ਼੍ਲੇ 2 ਸਾਲ ਤੋਂ ਕੈਂਸਰ ਦੀ ਇਸ ਨਾਮੁਰਾਦ ਬਿਮਾਰੀ ਨਾਲ ਪੀੜਤ ਸਨ | ਕਈ ਵਾਰ ਪਿੰਡ ਵਿਚੋਂ ਫੰਡ ਇੱਕਠਾ ਕਰਕੇ ਅਮਰੀਕ ਸਿੰਘ ਨੇ ਆਪਣੀ ਪਤਨੀ ਦਾ ਇਲਾਜ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਬਿਮਾਰੀ ਤੇ ਗਰੀਬੀ ਨੇ ਆਖਰ ਉਹਨਾ ਨੂ ਲਾਚਾਰ ਕਰ ਦਿੱਤਾ | ਸਹਾਰਾ ਜਨ ਸੇਵਾ ਸੁਸਾਇਟੀ ਵਲੋਂ ਵੀ ਉਹਨਾ ਦੀ ਦਵਾਈ ਲਈ ਫੰਡ ਦੀ ਮਦਦ ਦਿੱਤੀ ਗਈ ਸੀ | ਇਥੇ ਇਹ ਵੀ ਜਿਕਰਯੋਗ ਹੈ ਕਿ ਮਾਲਵਾ ਪੱਟੀ ਵਿਚ ਕੈਂਸਰ ਦੀ ਬਿਮਾਰੀ ਪੂਰੀ ਤਰਾਂ ਆਪਣੇ ਪੈਰ ਜਮਾ ਚੁੱਕੀ ਹੈ | ਆਸਾ ਬੁੱਟਰ ਵਿਚ ਵੀ ਕੈੰਸਰ ਨਾਲ ਪਹਿਲਾਂ ਵੀ ਕਈ ਮੌਤਾਂ ਹੋ ਚੁਕੀਆਂ ਹਨ | ਅਤੇ ਨਾਲ ਲਗਦੇ ਪਿੰਡ ਭੁੱਟੀਵਾਲਾ ਵਿਚ ਕੈਂਸਰ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 65 ਨੂੰ ਪਰ ਕਰ ਚੁੱਕੀ ਹੈ | ਪਰ ਇਹ ਭਿਆਨਕ ਬਿਮਾਰੀ ਜਿਥੇ ਲੋਕਾਂ ਦੇ ਪਰਿਵਾਰ ਦੇ ਮੈਂਬਰਾਂ ਨੂੰ ਉਹਨਾ ਤੋਂ ਖੋ ਲੈਂਦੀ ਹੈ ਉਥੇ ਇਹ ਉਹਨਾ ਦੇ ਪੈਸੇ ਦੀ ਬਰਬਾਦੀ ਵੀ ਕਰਦੀ ਹੈ | ਪਿਸ਼੍ਲੇ ਲੰਬੇ ਅਰਸੇ ਤੋਂ ਮਾਲਵਾ ਦੇ ਖੇਤਰ ਬਾਰੇ ਕੈਂਸਰ ਨੂੰ ਲੈ ਕੇ ਇਸ ਸੰਬੰਧੀ ਕੋਈ ਠੋਸ ਨੀਤੀ ਬਣਾਉਣ ਬਾਰੇ ਮੰਗ ਉਠਦੀ ਰਹੀ ਹੈ | ਪਰ ਹਮੇਸ਼ਾ ਸਰਕਾਰ ਵਲੋਂ ਇਸ ਨੂੰ ਅਣਗੋਲਿਆਂ ਕੀਤਾ ਜਾਂਦਾ ਰਿਹਾ ਹੈ | ਭਾਵੇਂ ਕਿ ਮੁਖ ਮੰਤਰੀ ਖੁਦ ਵੀ ਇਸ ਖੇਤਰ ਨਾਲ ਸੰਬਧ ਰਖਦੇ ਹਨ | ਪਰ ਇਸ ਇਲਾਕੇ ਵਿਚ ਕੈਂਸਰ ਨੂੰ ਲੈ ਕੇ ਉਹਨਾ ਨੇ ਵੀ ਕੋਈ ਠੋਸ ਨੀਤੀ ਨਹੀਂ ਬਣਾਈ | ਅਸੀਂ ਸਹਾਰਾ ਜਨ ਸੇਵਾ ਸੁਸਾਇਟੀ ਅਤੇ ਪੂਰੇ ਪਿੰਡ ਵਲੋਂ ਇਹ ਮੰਗ ਰਖਦੇ ਹਨ ਕਿ ਜਲਦੀ ਹੀ ਇਸ ਇਲਾਕੇ ਵਿਚ ਕੈਂਸਰ ਵਰਗੀਆਂ ਭਿਆਨਕ ਬਿਮਾਰੀਆਂ ਦੇ ਸ਼ੁਰੂ ਵਿਚ ਹੀ ਪਤਾ ਲਗਾਉਣ ਲਈ
ਘੱਟੋ ਘੱਟ ਡਾਇਆਗਨੋਸ ਕੇਂਦਰਾ ਦੀ ਸਥਾਪਨਾ ਕੀਤੀ ਜਾਵੇ | ਅਤੇ ਬਿਨਾ ਕਿਸੇ ਦੇਰੀ ਦੇ ਕੋਈ ਠੋਸ ਨੀਤੀ ਇਸ ਤੇਜੀ ਨਾਲ ਵਧ ਰਹੀ ਬਿਮਾਰੀ ਦੇ ਵਾਸਤੇ ਅਮਲ ਚ ਲਿਆਂਦੀ ਜਾਵੇ |