ਸ੍ਰੀ ਮੁਕਤਸਰ ਸਾਹਿਬ/ਲਖਵੀਰ ਸਿੰਘ / ਅੱਜ ਪਿੰਡ ਆਸਾ ਬੁੱਟਰ ਦੇ ਲੋਕਾਂ ਵੱਲੋਂ ਪਿੰਡ ਵਿੱਚ ਚੋਵੀ ਘੰਟੇ ਬਿਜਲੀ ਸਪਲਾਈ ਦੀ ਲਾਈਨ ਕੱਡਣ ਵਾਸਤੇ ਸਰਾਏਨਾਗਾ ਉੱਪ ਮੰਡਲ ਦੇ ਗੇਟ ਅੱਗੇ ਧਰਨਾ ਦਿੱਤਾ ਗਿਆ | ਇਸ ਧਰਨੇ ਸੰਬਧੀ ਡਿਪਟੀ ਕਮਿਸ਼ਨਰ ਮੁਕਤਸਰ ,ਐਕਸੀਅਨ ਮੁਕਤਸਰ ,ਨੂੰ ਪਹਿਲਾਂ ਸੂਚਿਤ ਕਰ ਦਿੱਤਾ ਗਿਆ ਸੀ ਅਤੇ ਐਸ ਡੀ ਓ ਨੂੰ ਵੀ ਦਸ ਦਿਨ ਪਹਿਲਾਂ ਮੰਗ ਪੱਤਰ ਸੌਂਪੇ ਗਏ ਸਨ , ਪਰ ਵਿਭਾਗ ਵੱਲੋਂ ਬਿਜਲੀ ਸਪਲਾਈ ਲਾਈਨ ਉੱਪਰ ਕੋਈ ਕਾਰਵਾਈ ਨਹੀਂ ਸ਼ੁਰੂ ਕੀਤੀ ਗਈ | ਇੱਥੇ ਹੀ ਜਿਕਰ ਯੋਗ ਹੈ ਕਿ ਪਿੰਡ ਆਸਾ ਬੁੱਟਰ ਵੱਲੋਂ ਸਾਲ 1993 ਵਿੱਚ ਹੀ ਬਿਜਲੀ ਦੀ ਸਪਲਾਈ ਚੌਵੀ ਘੰਟੇ ਕਰਨ ਬਾਰੇ ਬਣਂਦੀ ਰਕਮ ਵਿਭਾਗ ਕੋਲ ਜਮਾ ਕਰਵਾ ਦਿੱਤੀ ਗਈ ਸੀ | ਪਰ 18-19 ਸਾਲ ਬੀਤ ਜਾਣ ਦੇ ਬਾਅਦ ਵੀ ਇਹ ਲਾਈਨ ਚਾਲੂ ਨਹੀਂ ਹੋ ਸਕੀ | ਕਈ ਵਾਰ ਵਿਭਾਗ ਨੂੰ ਮੰਗ ਪੱਤਰ ਦਿੱਤੇ ਗਏ ਤੇ ਕਈ ਵਾਰ ਸੰਗਤ ਦਰਸ਼ਨ ਵਿੱਚ ਵੀ ਮੁੱਖ ਮੰਤਰੀ ਦੇ ਅੱਗੇ ਵੀ ਮੰਗ ਹੁੰਦੀ ਰਹੀ ਹੈ | ਪਰ ਕੁਝ ਰਾਜਨੀਤਕ ਪਹੁੰਚ ਰੱਖਣ ਵਾਲੇ ਆਸ ਪਾਸ ਦੇ ਪਿੰਡਾ ਦੇ ਬੰਦਿਆ ਦੇ ਕਾਰਨ ਹੀ ਹੁਣ ਤੱਕ ਇਹ ਗੱਲ ਲਟਕਦੀ ਰਹੀ | ਪਰ ਅੱਜ ਪਿੰਡ ਆਸਾ ਬੁੱਟਰ ਦੀ ਭਾਰਤੀ ਕਿਸਾਨ ਯੂਨੀਅਨ ਦੀ ਇਕਾਈ ਤੇ ਸਹਾਰਾ ਜਨ ਸੇਵਾ ਸੁਸਾਇਟੀ ਆਸਾ ਬੁੱਟਰ ਵੱਲੋਂ ਪਿੰਡ ਵਾਸੀਆਂ ਨੂੰ ਆਪਣਾ ਬਣਦਾ ਹੱਕ ਲੈਣ ਵਾਸਤੇ ਧਰਨੇ ਵਿੱਚ ਪਹੁੰਚਣ ਦਾ ਸੱਦਾ ਦਿੱਤਾ ਗਿਆ ਜਿਸ ਨੂੰ ਭਰਵਾਂ ਹੁੰਗਾਰਾ ਮਿਲਿਆ | ਭਾਰਤੀ ਕਿਸਾਨ ਯੂਨੀਅਨ ਗਿੱਦੜਬਾਹਾ ਤੇ ਜਿਲਾ ਮੁਕਤਸਰ ਦੀ ਇਕਾਈ ਨੇ ਵੀ ਇਸ ਧਰਨੇ ਵਿਚ ਸਾਥ ਦਿੱਤਾ | ਜਬਰਦਸਤ ਨਾਅਰੇਬਾਜੀ ਹੋਈ
ਸੁਬਹ ਤੋਂ ਹੀ ਪੁਲਸ ਦਫਤਰ ਅੱਗੇ ਮਜੂਦ ਸੀ | ਗੇਟ ਅੱਗੇ ਧਰਨਾ ਲਗਾ ਕੇ ਦਫਤਰ ਦੀ ਕਾਰਵਾਈ ਸਾਰਾ ਦਿਨ ਠਪ ਕੀਤੀ ਗਈ | ਜਬਰਦਸਤ ਨਾਅਰੇਬਾਜੀ ਕੀਤੀ ਗਈ | ਵੱਖ ਆਗੂਆਂ ਨੇ ਧਰਨਾ ਕਾਰੀਆਂ ਨੂੰ ਸੰਬੋਧਨ ਕੀਤਾ |
ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵੀ ਹੋਏ ਸ਼ਾਮਲ
ਹਲਕਾ ਗਿੱਦੜਬਾਹਾ ਦੇ ਵਿਧਾਇਕ ਵੀ ਆਪਣੇ ਹਲਕੇ ਦਾ ਪਿੰਡ ਹੋਣ ਕਰਕੇ ਧਰਨਾ ਕਾਰੀਆਂ ਵਿਚ ਸ਼ਾਮਲ ਹੋਏ ਤੇ ਲਗਾਤਾਰ ਉਹਨਾ ਨੇ ਉਚ ਅਧਿਕਾਰੀਆਂ ਨਾਲ ਸੰਪਰਕ ਵੀ ਬਣਾਈ ਰਖਿਆ | ਪਰ ਉਹਨਾ ਦੇ ਵਾਰ ਵਾਰ ਕਹਿਣ ਤੇ ਵੀ ਉੱਪ ਮੰਡਲ ਅਫਸਰ ਧਰਨਾ ਕਾਰੀਆਂ ਕੋਲ ਨਹੀਂ ਆਇਆ ਤੇ ਬਾਅਦ ਵਿਚ ਰਾਜਾ ਵੜਿੰਗ ਨੇ ਡਿਪਟੀ ਕਮਿਸ਼ਨਰ ਨੂੰ ਫੋਨ ਕਰਕੇ ਉੱਪ ਮੰਡਲ ਅਫ਼ਸਰ ਦੀ ਸ਼ਿਕਾਇਤ ਕੀਤੀ ਤੇ ਜਲਦੀ ਕਿਸੇ ਉਚ ਅਧਿਕਾਰੀ ਨੂੰ ਧਰਨਾ ਕਾਰੀਆਂ ਨੂੰ ਆ ਕੇ ਮਿਲਣ ਬਾਰੇ ਕਿਹਾ | ਤੇ ਫੇਰ ਐਕਸੀਅਨ ਮੁਕਤਸਰ ਧਰਨੇ ਵਿਚ ਪਹੁੰਚੇ |
ਪੰਜ ਦਿਨਾ ਵਿਚ ਲਾਈਨ ਚਾਲੂ ਹੋਣ ਦਾ ਐਕਸੀਅਨ ਨੇ ਦਿਵਾਇਆ ਵਿਸ਼ਵਾਸ਼ |
ਐਕਸੀਅਨ ਮੁਕਤਸਰ ਨੇ ਧਰਨਾ ਕਾਰੀਆਂ ਨੂੰ ਸੰਬੋਧਨ ਕਰਦੇ ਹੋਏ ਵਿਸ਼ਵਾਸ਼ ਦਿਵਾਇਆ ਕਿ ਅਗਲੇ ਪੰਜ ਦਿਨਾ ਵਿੱਚ ਬਿਜਲੀ ਦੀ ਲਾਈਨ ਚਾਲੂ ਕਰ ਦਿੱਤੀ ਜਾਵੇਗੀ | ਤੇ ਉਹਨਾ ਨੇ ਪਿੰਡ ਵਾਸੀਆਂ ਨੂ ਅਪੀਲ ਕੀਤੀ ਕਿ ਉਹ ਧਰਨਾ ਪ੍ਰਦਰਸ਼ਨ ਬੰਦ ਕਰ ਦੇਣ ਤਾਂ ਕਿ ਦਫਤਰ ਦਾ ਕੰਮ ਦੁਬਾਰਾ ਸ਼ੁਰੂ ਹੋ ਸਕੇ | ਉਸ ਤੋਂ ਬਾਅਦ ਪਿੰਡ ਵਾਸੀਆਂ ਨੇ ਧਰਨਾ ਖਤਮ ਕਰ ਦਿੱਤਾ ਤੇ ਵਿਭਾਗ ਨੂੰ ਫੇਰ ਚੇਤਾਵਨੀ ਵੀ ਦਿੱਤੀ ਕਿ ਜੇਕਰ ਦਿੱਤੇ ਹੋਏ ਸਮੇਂ ਵਿੱਚ ਲਾਈਨ ਚਾਲੂ ਨਾਂ ਕੀਤੀ ਗਈ ਤਾਂ ਧਰਨਾ ਫੇਰ ਜਾਰੀ ਕੀਤਾ ਜਾਵੇਗਾ |
ਇਸ ਧਰਨੇ ਵਿਚ ਮੁਖ ਤੌਰ ਤੇ ਲਖਵੀਰ ਸਿੰਘ ਬੁੱਟਰ , ਅਮਨਦੀਪ ਸਿੰਘ ਬਰਾੜ , ਤਰਸੇਮ ਸਿੰਘ , ਕੁਲਦੀਪ ਸਿੰਘ , ਜੋਗਿੰਦਰ ਸਿੰਘ ਪ੍ਰਧਾਨ , ਨਿਹਾਲ ਸਿੰਘ ਬੁੱਟਰ , ਜਸਕਰਨ ਸਿੰਘ ਪੰਚ , ਗੁਰਮੇਲ ਸਿੰਘ ਪੰਚ , ਚੰਦ ਸਿੰਘ , ਜੀਤਾ ਸਿੰਘ ,ਲਛਮਣ ਸਿੰਘ , ਗੁਰਦਿੱਤਾ ਸਿੰਘ , ਦਲਜੀਤ ਬਰਾੜ , ਗੁਰਲਾਲ ਸਿੰਘ ਪ੍ਰਧਾਨ , ਸੁਖਚੈਨ ਸਿੰਘ , ਲਛਮਨ ਸਿੰਘ ਮੈਂਬਰ , ਜੰਗੀਰ ਸਿੰਘ , ਪ੍ਰੀਤਮ ਸਿੰਘ ,ਗੁਰਸੇਵਕ ਸਿੰਘ , ਲਖਵਿੰਦਰ ਸਿੰਘ ਆਦਿ ਸ਼ਾਮਲ ਸਨ , |