ਲਖਵੀਰ ਸਿੰਘ /19 ਅਗਸਤ / ਪਿਛਲੇ ਇੱਕ ਹਫਤੇ ਤੋਂ ਲਗਾਤਾਰ ਹੋ ਰਹੀ ਬਾਰਸ਼ ਕਾਰਨ ਪਿੰਡ ਆਸਾ ਬੁੱਟਰ ਵਿੱਚ ਵੀ ਨੀਵੇਂ ਇਲਾਕਿਆ ਵਿੱਚ ਪਾਣੀ ਨੇ ਲੋਕਾਂ ਨੂੰ ਪਰੇਸ਼ਾਨ ਕਰਨਾਂ ਸ਼ੁਰੂ ਕਰ ਦਿੱਤਾ ਹੈ | ਜਿਕਰਯੋਗ ਹੈ ਕਿ ਇਸ ਬਾਰਸ਼ ਨਾਲ ਆਸਾ ਬੁੱਟਰ ਦੇ ਆਸ ਪਾਸ ਦੇ ਪਿੰਡਾਂ ਵਿੱਚ ਜਿਆਦਾ ਪਾਣੀ ਆ ਜਾਣ ਕਾਰਨ ਹਾਲਾਤ ਹੜਾਂ ਵਰਗੇ ਹੋਏ ਪਏ ਹਨ | ਪਰ ਆਸਾ ਬੁੱਟਰ ਵਿੱਚ ਨਹਿਰ ਦੇ ਨਾਲ ਵਸਿਆ ਹੋਣ ਕਰਕੇ ਹੋਰਾਂ ਪਿੰਡਾ ਦਾ ਪਾਣੀ ਨਹੀਂ ਪਹੁੰਚਦਾ ਜਿਸ ਕਰਨ ਹੁਣ ਤੱਕ ਆਸਾ ਬੁੱਟਰ ਵਿੱਚ ਪਾਣੀ ਨੂੰ ਲੈ ਕੇ ਜਿਆਦਾ ਚਿੰਤਾ ਵਾਲੀ ਗੱਲ ਨਹੀਂ ਸੀ | ਪਰ ਅੱਜ ਰਾਤ ਹੋਈ ਭਾਰੀ ਬਾਰਸ਼ ਕਾਰਨ ਵੱਡੇ ਛੱਪੜ ਦੇ ਆਸ ਪਾਸ ਲਗਦੇ ਘਰਾਂ ਵਿੱਚ ਪਾਣੀ ਜਾ ਵੜਿਆ | ਅਤੇ ਉੱਪਰੋਂ ਹੋਰ ਹੋ ਬਾਰਸ਼ ਕਾਰਨ ਸਥਿਤੀ ਵਿਗੜਦੀ ਵੇਖ ਪਿੰਡ ਦੇ ਲੋਕਾਂ ਨੇ ਫਿਰਨੀ ਦੀ ਸੜਕ ਭੁੱਲਰ ਰੋਡ ਤੋਂ ਖਿੜਕੀਆਂ ਵਾਲਾ ਰੋਡ ਦੇ ਵਿਚਕਾਰ ਵਾਲੀ ਫਿਰਨੀ ਦੀ ਸੜਕ ਅਮਰ ਸਿੰਘ ਨੰਬਰਦਾਰ ਦੇ ਘਰ ਕੋਲੋਂ ਤੋੜ ਦਿੱਤੀ ਜਿਸ ਨਾਲ ਵੱਡੇ ਛੱਪੜ ਦਾ ਓਵਰਫਲੋ ਹੋਇਆ ਪਾਣੀ ਨਾਲ ਲਗਦੇ ਖੇਤਾਂ ਦੇ ਜਰੀਏ ਕੱਡਣ ਦਾ ਉਪਰਾਲਾ ਕੀਤਾ ਹੈ | ਸੜਕ ਤੋੜਨ ਨਾਲ ਛੱਪੜ ਦਾ ਪਾਣੀ ਧੀਮੀ ਗਤੀ ਨਾਲ ਘਟਨਾ ਸ਼ੁਰੂ ਹੋ ਗਿਆ ਹੈ , ਇਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਜੋ ਦੂਸਰਾ ਛੋਟਾ ਛੱਪੜ ਵਾਟਰ ਵਰਕਸ ਦੇ ਨਾਲ ਹੈ ਉਸ ਦੇ ਵੀ ਆਸ ਪਾਸ ਦੇ ਘਰਾਂ ਵਿੱਚ ਪਾਣੀ ਪਹਿਲਾਂ ਹੀ ਜਮਾਂ ਹੋਣ ਲੱਗ ਪਿਆ ਸੀ ਪਰ ਦੋ ਦਿਨ ਪਹਿਲਾਂ ਹੀ ਜਸਮੇਲ ਸਿੰਘ ( ਅਕਾਲੀ ) ਜੋ ਇਸ ਵਾਰ ਸਰਪੰਚ ਪਦ ਦੇ ਉਮੀਦਵਾਰ ਵੀ ਸਨ ਉਹਨਾਂ ਨੇ ਆਪਣੇ ਟਰੈਕਟਰ ਲਗਾ ਕੇ ਉਸ ਛੱਪੜ ਦੇ ਪਾਣੀ ਦਾ ਨਿਕਾਸ ਕਰਵਾ ਦਿੱਤਾ ਸੀ | ਪਿੰਡ ਵਾਸੀਆਂ ਨੇ ਉਹਨਾਂ ਦੇ ਇਸ ਉਪਰਾਲੇ ਦੀ ਸ਼ਲਾਗਾ ਕੀਤੀ ਸੀ |
ਕੁਝ ਹੋਰ ਤਸਵੀਰਾਂ
