ਸਾਂਝਾਂ ਮੁੱਕੀਆਂ,ਰਿਸ਼ਤੇ ਟੁੱਟੇ ਤੇ ਪਲ-ਪਲ ਪਾੜੇ ਵਧ ਰਹੇ ਆ।ਸਮਾਂ ਬੜਾ ਬਲਵਾਨ ਏ ਤੇ ਲੋਕ ਸਮੇਂ ਦੀਆਂ ਸੂਈਆਂ ਤੇ ਬੈਠੇ ਘੁੰਮੀ ਜਾਂਦੇ ਆ।ਕੱਲ੍ਹ ਕਾਉਣੀ ਚ ਲਗਾਤਾਰ ਪੰਜਵੀਂ ਮੌਤ ਹੋਈ ਤੇ ਲਗਾਤਾਰ ਹੀ ਅੱਜ ਤੀਜਾ ਦਿਨ ਏ ਕਿ ਡੀ.ਜੇ.ਤੇ ਚੱਕਵੇਂ ਗੀਤ ਵੱਜ ਰਹੇ ਆ।ਕਿੰਨਾਂ ਮਾਹੌਲ ਬਦਲ ਗਿਆ,ਸੁਣਿਆ ਸੀ ਕਿ ਪਹਿਲਾਂ ਪਿੰਡ ਚ ਮਰੇ ਦਾ ਮਹੀਨਿਆਂ ਤੱਕ ਸੋਗ ਚਲਦਾ ਸੀ,ਤੇ ਅੱਜ ਸਿਰਫ ਕੁੱਝ ਕੁ ਘੰਟੇ।ਲੋਕ ਇੰਨੇਂ ਅਗਾਂਹਵਧੂ ਹੋ ਗਏ ਯਕੀਨ ਨਹੀਂ ਹੁੰਦਾ।ਪਰ ਰਾਜਨੀਤਿਕਾਂ ਦੀ ਚਾਪਲੂਸੀ ਕਰਨ ਵੇਲੇ ਲੱਗਦਾ ਕਿ ਨਹੀਂ ਲੋਕ ਸਮੇਂ ਦੀ ਚਾਲ ਨਾਲ ਨਹੀਂ ਬਦਲੇ,ਮਾਨਸਿਕਤਾ ਹੀ ਛੋਟੀ ਹੋਈ ਪਈ ਏ।ਵਰਨਾ ਕਿਸੇ ਸ਼ਰੀਕ ਦੇ ਬਲਦੇ ਸਿਵੇ ਲਾਗੇ ਢੋਲ ਕੋਈ ਬੇ-ਗੈਰਤ ਹੀ ਵਜਾ ਸਕਦਾ।ਮੰਨਦੇ ਆਂ ਕਿ ਸਮੇਂ ਅੱਗੇ ਕਿਸੇ ਦੀ ਨਹੀਂ ਚਲਦੀ,ਪਰ ਇਨਸਾਨੀ ਕਦਰਾਂ-ਕੀਮਤਾਂ ਤੇ ਆਪਸੀ ਵਿਸ਼ਵਾਸ ਨੂੰ ਕਾਇਮ ਜਰੂਰ ਰੱਖਿਆ ਜਾ ਸਕਦਾ।ਇਹੀ ਛੋਟੀਆਂ-ਛੋਟੀਆਂ ਗੱਲਾਂ ਉਹਨਾਂ ਮਸਲਿਆਂ ਦਾ ਹੱਲ ਨੇ ਜਿੰਨ੍ਹਾਂ ਨੂੰ ਸੁਲਝਾਉਣ ਲਈ ਅਸੀਂ ਅਣਖਾਂ ਗਹਿਣੇ ਰੱਖ ਕੇ ਲੀਡਰਾਂ ਦੇ ਤਲੇ ਚੱਟਦੇ ਆਂ। ਦੁਸ਼ਮਣ ਮਰੇ ਤਾਂ ਖੁਸ਼ੀ ਨਾ ਕਰੀਏ, ਸੱਜਣਾਂ ਵੀ ਤੁਰ ਜਾਣਾ। ਮਿੱਟੀਏ,ਵਾ ਲੱਗਿਆਂ ਉੱਡ ਜਾਣਾ।ਸਾਂਝਾਂ ਮੁੱਕੀਆਂ,ਰਿਸ਼ਤੇ ਟੁੱਟੇ ਤੇ ਪਲ-ਪਲ ਪਾੜੇ ਵਧ ਰਹੇ ਆ।ਸਮਾਂ ਬੜਾ ਬਲਵਾਨ ਏ ਤੇ ਲੋਕ ਸਮੇਂ ਦੀਆਂ ਸੂਈਆਂ ਤੇ ਬੈਠੇ ਘੁੰਮੀ ਜਾਂਦੇ ਆ।ਕੱਲ੍ਹ ਕਾਉਣੀ ਚ ਲਗਾਤਾਰ ਪੰਜਵੀਂ ਮੌਤ ਹੋਈ ਤੇ ਲਗਾਤਾਰ ਹੀ ਅੱਜ ਤੀਜਾ ਦਿਨ ਏ...
ਲਖਵੀਰ ਸਿੰਘ / 26 ਅਗਸਤ/ਦੋਸਤੋ ਜਿਵੇਂ ਕਿ ਤੁਹਾਨੂੰ ਪਤਾ ਹੈ ਕਿ ਪਿਸ਼੍ਲੇ ਦਿਨੀਂ ਹੋਈ ਭਾਰੀ ਬਾਰਸ਼ ਨਾਲ ਮੁਕਤਸਰ ਤੇ ਆਸ ਪਾਸ ਜਿਲਿਆਂ ਵਿੱਚ ਭਾਰੀ ਨੁਕਸਾਨ ਹੋਇਆ ਹੈ ,, ਪਰ ਜੋ ਬਾਰਸ਼ ਤੋਂ ਬਾਅਦ ਭਾਵ ਅੱਜ ਦੀ ਹਾਲਤ ਹੈ ਮੁਕਤਸਰ ਦੇ ਕੁਝ ਪਿੰਡਾ ਦੀ ਉਹ ਬਿਆਨ ਨਹੀਂ ਕੀਤੀ ਜਾ ਸਕਦੀ ,, ਮੈਂ ਤੁਹਾਨੂੰ ਸਥਿਤੀ ਦਸਦਾਂ ਹਨ ਪਿੰਡ ਹਰਾਜ ਹਲਕਾ ਮੁਕਤਸਰ , ਸਾਡੇ ਪਿੰਡ ਤੋਂ ਲਗਭਗ 9-10 ਕਿਲੋਮੀਟਰ ਦੁਰ ਹੈ ਪਿੰਡ ਹਰਾਜ ,, ਪਿੰਡ ਦੇ 65 ਫੀਸਦੀ ਘਰ ਪਾਣੀ ਦੀ ਲਪੇਟ ਚ ਹਨ ,, ਕੁਝ ਲੋਕ ਤਾਂ ਆਪਨੇ ਘਰ ਖਾਲੀ ਕਰ ਕੇ ਆਪਣੀਆਂ ਨੇੜੇ ਤੇੜੇ ਰਿਸ਼ਤੇਦਾਰੀਆਂ ਚ ਚਲੇ ਗਾਏ ਹਨ ,, ਕੁਝ ਬਚੇ ਹੋਏ ਪਿੰਡ ਦੇ ਘਰਾਂ ਚ ਹੀ ਸਮਾਨ ਰੱਖੀ ਬੈਠੇ ਹਨ ,,ਪਰ ਗਰੀਬ ਲੋਕ ਕਿਸੇ ਪਾਸੇ ਜੋਗੇ ਨਹੀਂ ਹਨ ,,ਪਿੰਡ ਦਾ ਸੰਪਰਕ ਸਾਰੇ ਪਾਸਿਆਂ ਤੋਂ ਟੁੱਟਿਆ ਹੋਇਆ ਹੈ | ਜਦੋਂ ਸਾਡੇ ਕਲੱਬ ਮੈਂਬਰ ਲਛਮਣ ਸਿੰਘ ਨੇ ਪਿੰਡ ਹਰਾਜ ਚ ਅੱਜ ਤੋਂ ਚਾਰ ਦਿਨ ਪਹਿਲਾਂ ਫੋਨ ਕੀਤਾ ਤਾਂ ਪਤਾ ਚੱਲਿਆ ਕਿ ਬਹੁਤ ਸਾਰੇ ਲੋਕ ਚਾਰ ਚਾਰ ਦਿਨ ਤੋਂ ਚਾਹ ਤੋਂ ਵੀ ਭੁੱਖੇ ਬੈਠੇ ਨੇ ,ਇਹ ਸੁਨ ਕੇ ਸਾਰੇ ਪਿੰਡ ਚੋਂ ਰੋਟੀਆਂ ਇਕਠੀਆਂ ਕਰਨ ਦਾ ਕੰਮ ਸ਼ੁਰੂ ਕੀਤਾ ਗਿਆ ਤੇ ਵੇਖਦੇ ਹੀ ਵੇਖਦੇ ਸਾਰਾ ਪਿੰਡ ਆਸਾ ਬੁੱਟਰ ਹਰਾਜ ਦੇ ਹੜ ਪੀੜਤ ਲੋਕਾਂ ਦੀ ਮਦਦ ਲਈ ਉਠ ਖੜਾ ਹੋਇਆ ਤੇ ,, ਹੁਣ ਅੱਜ ਚੌਥਾ ਦਿਨ ਹੋ ਗਿਆ ਰੋਜ ਹਰ ਘਰ ਦਸ ਦਸ ਜਾਂ ਪੰਦਰਾਂ ਪੰਦਰਾ ਰੋਟੀਆਂ ਪਕਾ ਕੇ ਰਖਦਾ ਹੈ ,, ਹਰੇਕ ਵਾਰਡ ਚ ਸੇਵਾਦਾਰ ਰੋਟੀਆਂ ਇਕੱਠੀਆਂ ਕਰਦੇ ਹਨ ,, ਦਾਲ ਗੁਰੂਦਵਾਰਾ ਸਾਹਿਬ ਤਿਆਰ ਕੀਤੀ ਜਾਂਦੀ ਹੈ ,, ਤੇ 8 ਵਜੇ ਤੱਕ ਇਹ ਪ੍ਰਕਿਰਿਆ ਪੂਰੀ ਹੋ ਜਾਂਦੀ ਹੈ ,, ਫੇਰ ਟ੍ਰੈਕਟਰ ਟ੍ਰਾਲੀ ਚ ਸਾਰਾ ਲੰਗਰ ਲਿਜਾਇਆ ਜਾਂਦਾ ਹੈ ,, ਕਿਉਂਕਿ ਸਿਰਫ ਟ੍ਰੈਕਟਰ ਹੀ ਹਰਾਜ ਪਿੰਡ ਵਿੱਚ ਜਾ ਸਕਦਾ ਹੈ ,, ਕੋਈ ਹੋਰ ਚੀਜ ਵਾਸਤੇ ਰਸਤਾ ਨਹੀਂ ਹੈ , ਜਿਉਂ ਹੀ ਟ੍ਰੈਕਟਰ ਹਰਾਜ ਪਿੰਡ ਪਹੁੰਚਦਾ ਹੈ ਤਾਂ ਭੁੱਖੇ ਬੈਠੇ ਲੋਕ ਹਰਾਜ ਪਿੰਡ ਦੇ ਗੁਰੁਦਵਾਰੇ ਵਿੱਚ ਪਹੁੰਚਣਾਂ ਸ਼ੁਰੂ ਕਰ ਦਿੰਦੇ ਹਨ | ਹਰ ਰੋਜ ਇਸ ਪ੍ਰਕਿਰਿਆ ਵਿਚ ਸੇਵਾਦਾਰ ਵੀਰ ਦੋ ਵਜੇ ਵੇਹਲੇ ਹੁੰਦੇ ਹਨ ,, ਅਗਲੀ ਸਵੇਰ ਫੇਰ ਇਹੀ ਪ੍ਰਕਿਰਿਆ ਸ਼ੁਰੂ ਹੁੰਦੀ ਹੈ | ਅੱਗੇ ਮੈਂ ਕੁਝ ਤਸਵੀਰਾਂ ਪੋਸਟ ਕਰ ਰਿਹਾ ਹਾਂ ਜੋ ਸਾਰੀ ਸਥਿਤੀ ਬਿਆਨ ਕਰ ਰਹੀਆਂ ਹਨ |ਇਸ ਮੌਕੇ ਤੇ ਜਗਰੂਪ ਸਿੰਘ ਖਾਲਸਾ ,ਸੰਦੀਪ ਸਿੰਘ ਖਾਲਸਾ, ਲਖਵੀਰ ਸਿੰਘ ਪ੍ਰਧਾਨ ਸਹਾਰਾ ਜਨ ਸੇਵਾ ਸੁਸਾਇਟੀ , ਲਸ਼ਮਣ ਸਿੰਘ ,, ਗੁਰਤੇਜ ਸਿੰਘ, ਪਾਲ ਸਿੰਘ ,ਗੁਰਨਾਮ ਸਿੰਘ , ਸੁਖਰਾਜ ਸਿੰਘ , ਮੱਘਰ ਸਿੰਘ , ਜਸਕਰਨ ਸਿੰਘ ਪੰਚ , ਹਰਜਿੰਦਰ ਸਿੰਘ ਪੰਚ , ਲਖਵਿੰਦਰ ਸਿੰਘ ਲੱਖਾ , ਸੁਖਜਿੰਦਰ ਸਿੰਘ , ਬੋਘਾ ਸਿੰਘ , ਮਹੰਤ ਛਿੰਦਾ ਸਿੰਘ, ਤਾਰ ਸਿੰਘ , ਮੀਤਾ ਸਿੰਘ , ਅਮਨਦੀਪ ਬਰਾੜ , ਜਗਤਾਰ ਸਿੰਘ ,ਮਲਕੀਤ ਸਿੰਘ ਆਦਿ ਨੇ ਸੇਵਾ ਵਿੱਚ ਯੋਗਦਾਨ ਪਾਇਆ |
